بيقولك جمال مبارك بعد الخطوبة ..أبوه حب يضمنله مستقبله ..جابله عقد عمل فى السعودية ..وشغلوه برضه ابن رئيس جمهورية بالساعة
---------------
يا شباب يا عواطلية بطلوا حقد على جمال مبارك ..إيه يعنى شركة فى عشر سنين بقى رأسمالها شحرميت مليار ..اتعلموا منه وحوشوا من مصروفكوا
"
--------------
بيقولك فى عيد ميلاد حفيد حسنى مبارك ..كل وزير جابله هدية ..اللى جابله طيارة لعبة ..واللى جابله مسدس مية ..حبييب العادلى جابله تلات عربيات أمن مركزى وأربع مخبرين لعبة
-------------
الفلكى بتاع سمير رجب حب يجامل حسنى مبارك كتبله فى باب حظك اليوم عن برج التور:ولا يهمك منهم يا فندم ..كل ما يقولولك تور..قولهم احلبوه
-------------
اشتكى حسنى مبارك لحبيب العادلى إن "حمو النيل "ما بيخلهوش ينام ..بعد تلات تيام اتصل بيه حبيب العادلى وقاله تمام يا فندم قبضنا على كل اللى اسمهم حمو وجارى ردم النيل سعادتك
-------------
سبب عدم غناء محمد ثروت فى الحفلات الوطنية إنه مرة غلط وغنى :الله أكبر فوق كيد المعتدى
------------
حسنى مبارك كان بيعمل حوار مع مذيعة مزة من بتوع لبنان فبعد ما خلص الحوار قالها على فكرة :يو آر سو سكسى ..فدخلت عليه سوزان وقالتله :يا نهار أبوك أسود مين دى اللى سو سكسى ..فراح عامل نفسه مش واخد باله وقال للمذيعة :وأما عن "سكسى "أكتوبر ..فده موضوع كبير
------------
نفس المذيعة سألت حسنى مبارك إنت ليه محتفظ بنظيف لغايت دلوقتى ..فأجاب:أصله طويل قوى فده بيخليه يوطى لما يكلمنى توماتيكى
------------
فى عيد الأضحى طلب حسنى مبارك من حبيب العادلى عشر خرفان عشان ينقى منهم خروف يضحى بيه فى العيد ..بعد تلات تيام جابله خروف متعور ومتبهدل خالص ..فقاله :إيه ده يا حبيب ..جايبلى خروف حالته بالبلا ..فقاله :ده اللى فضل صاحى بعد التحقيقات يا فندم ..قاله :طب وباقى الخرفان ..فرد حبيب :طلعوا إخوان مسلمين يا فندم
------------
حسنى مبارك راح لشيخ الأزهر متعكنن جدا .وقاله :يا سيد أنا كل كام يوم نفسى بتهفنى على كاس أو اتنين وسمعت ان الخمرة حرام ..اتصرف ..راح شيخ الأزهر قاله:
ابقى اشربها على وضوء يا ريس
------------