منتدى الربدان

قلبي يحنُّّ لفرقى الأرض ، فهل تحن الأرض لفرقايَ
 
الرئيسيةالبوابةاليوميةمكتبة الصورس .و .جبحـثالتسجيلالأعضاءالمجموعاتدخول

شاطر | 
 

 الحب الحقيقى

اذهب الى الأسفل 
كاتب الموضوعرسالة
shady
عضو نشيط جدا
عضو نشيط جدا
avatar

عدد الرسائل : 73
تاريخ التسجيل : 13/04/2008

مُساهمةموضوع: الحب الحقيقى   الأربعاء أبريل 16, 2008 10:24 am

الحب و ما ادراك ما الحب .. ركبى يسيبوا و قلبى يطب .. الحب الحب الحب!




كبيرة صغيرة .. طخينة رفيعة .. طويلة قصيرة .. حلوة أو وحشة .. سمرا و لا بيضا .. كل ده مش مهم مهما كان شكلك مهما كانت طباعك و صفاتك .. فيه حاجة فيكى مشتركة معانا كلنا .. و هو إحساسك بالحب و إحتياجك له لإنه يمتلك و يملأ عليكى كل حياتك .. و يحاوطك فى كل مكان .. هو ده الحاجة الوحيدة اللى مستحيل تزهقى منها مهما طاردتك .. إحساس جميل بيحسسك براحة غير عادية .. دنيا تانية ما حدش بيتمنى فيها حرية .. بالعكس سجن الحب بيكون أحلى بكتير من حرية الشرود فى لا شىء .. إحساس غريب بأن كل الناس حواليكى مجرد كائنات وهمية .. شخص واحد بس هو اللى حقيقى .. هو كل الحياة و كل الكائنات و كل الدنيا .. كلمة واحدة بس هى مفتاح الأمان و سر الإبتسامة الدائمة على ملامح الوجه كلها .. دنيا الخوف من المجهول تتلاشى أمام لحظة صفا و صدق و حنان .. حرية بلا حدود داخل إطار وردى شوكه لا يؤلم و إنما يذكر دائما بأن لحظة فى هذا الإطار تساوى أيام العمر كلها .. نظرات هادئة تحتوى بداخلها الحنان و كأنه عملاق قوى يلتهم كل مشاعرك لتصبحى فريسة ضعيفة بإراتك لتنعمى بمواساة القطة الصغيرة من قبل ما تحبين .. ابتسامات و همهمات كلها بواعث للبهجة التى تغمر قلبك فالحياة ستصبح فيها حبيب هو كل شىء و المحافظة عليه تعنى المحافظة على الحياة .. أفكار تتدفق فى خاطرك فيقرأها هو من داخل أعماقك و يمليها عليكى فى اذنك .. فتسلمى له كل شىء و تؤمنى بقوته الخارقة فى خلق السعادة و غرسها إلى روحك.
أنتى مع من تحبين ملكة متوجة و أميرة عاشقة من السهل أن تتنازلى عن تاج عرشك و تناديه بسيدى فى مقابل أن ترى صورتك لامعة فى ضوء عينيه .. أحضان الأيادى ليس عليها قيود و لم تعد لأى كلمة وجود ، فالأصابع تتكلم بلا أصوات و أنتى تشعرى بكلامها و تردى عليها بضمها و تتمنى فقط أن ترسل أصابعك إحساسها فى أقل من ثوانى .. أوقات كثيرة كثيرة و أيام و ساعات تمر عليكى و كأنها لحظات .. فحبه يسرق منك الحياة و أنتى تهنئينه على سرقته للحياة .. بل و ربما تتمنى أن تنتهى الحياة لحظة فراقه لتعود من جديد عندما تلتقين به .. كلمات تردديها لأول مرة لا تعرفى لها لغة و لا منشأ فهى لغة القلب و منشئها الحب و أنتى تكررى كل يوم معانيها دون أن تخططى لذلك فيتقبلها و كأنه أعلم منك بلغة قلبك و يستكمل ما تنسينه فى حديثك لتفاجئى بأنه هو من أوجد بداخلك هذه الكلمات .. فتتأكدى وقتها بأن ما تشعرين به هو "الحب الحقيقى" و لكن للأسف سينتهى كل شىء بمجرد إنتهاء الحلم و إستيقاظك من النوم .. فلا تحاولى أن تبحثى عن هذا الحب فى الحقيقة فلن تجديه سوى فى الأحلام!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ج . أ . ج
نائب مشرف
نائب مشرف
avatar

ذكر
عدد الرسائل : 105
العمر : 49
العمل/الترفيه : حاصل على ليسانس شريعة وقانون . الأزهر
المزاج : كويس . والحمدلله
تاريخ التسجيل : 15/02/2008

مُساهمةموضوع: رد/ الحب الحقيقى   الخميس أبريل 17, 2008 12:49 am

اهم شىء يوصل الى الحب هو ان تكون طباع المراة كويسة . وصفاتها حسنة .
كدة تقدر تحبها حتى لو كانت وحشة فى الشكل فهى عندها من الكنوز ما يعوضها .
عن الجمال الشكلى . وكذلك عندها صفات حميدة تجعلها اجمل مخلوقة على ظهر الارض.
وهو ده الحب الذى يعيش مدى الحياة الى ان يكتب له الموت لاحد الحبيبن .
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Frist girl
مشرف
مشرف
avatar

انثى
عدد الرسائل : 153
العمر : 31
تاريخ التسجيل : 29/03/2008

مُساهمةموضوع: رد: الحب الحقيقى   الثلاثاء أبريل 29, 2008 9:34 pm

انا معا ج . أ . ج فى كلامه
لان الانسان الى بيختار المراه عشان جمالها بيظل طول عمره مذلول
الجمال جمال الروح والاخلاق السيرة الكويسة

وبرده انا معاك ياشادى ان الحب الى انت بتقول عليه ده حب افلاطونى حب احلام بندور عليه كلنا فى خيالنا والمحظوظ بجد الى يلاقيه
بس اكيد ربنا قاسم لكل شخص مقدار من البحب يعنى ممكن نلاقى الحب ده مع العشرة الطيبه والمعاملة الحسنه

ويارب كلنا نلاقى حبنا الحقيقى سواء حب حب او حب عشرة او حب الناس ليك .........

واخيرا ميرسى على احساسك العالى ووصفك الجميل عن الحب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الحب الحقيقى
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الربدان :: ركـــــــن حــــــــواء :: ركـــــن الــــخـــــاطـــبــــة-
انتقل الى: