مبارك : عارف يا ابليس ياخويا, انا عاوز اعمل في الشعب المصري حركه تطلع من نافوخهم
أبليس : طب هات ودنك وخد الفكره دي .....وش وش وش وش
مبارك : لالا يا ابليس الفكره دي مش نافعه , عاوز حاجه أشد
أبليس : طب خد دي ...... وش وش وش وش
مبارك : لالا , برضه مش نافعه , ايه يا ابليس انت بقيت خرع كده ليه , هات بقه ودنك وانا اقولك انا نويت اعمل فيهم ايه
وش وش وش وش وش
ابليس : لا يا راجل حرام عليك
ــــــــــــــــــــــــــــــــــــــــــــــــــــــــــــــــــــــــــــــــ
واحد اتحشر في زحمة المرور فلقى واحد بيخبطله على شباك السيارة
فتح الشباك و سأله عايز ايه
قاله : الرئيس حسنى مبارك خطفوه و الفدية 5$مليون دولار
و لو الفدية ماتدفعتش .. الخاطفين هددوا يدلقوا عليه بنزين و يولعوا فيه
و احنا بنجمع تبرعات .. تحب تشارك ؟
الرجل سأل: " و في المتوسط الناس بتتبرع بكام"
الرجل الثاني : " من 5 الى 10 لتر بنزين
ــــــــــــــــــــــــــــــــــــــــــــــــــــــــــــــــــــــــــــــــ
مره حسنى مبارك راح مدرسه ابتدائى فلما جت فتره الاسئله ولد رفع ايده
مبارك ساله اسمك ايه فقاله رامى فقاله ايه سؤالك يا رامى ؟
رامى : انا عندى اربع اساله
1 - ليه انت رئيس بقالك 25 سنه ؟
2 - ليه معينتش نائب ؟
3 - ليه ولادك ماسكين كل حاجه فى البلد ؟
4 - ليه مصر حالتها الاقتصاديه زفت و انت مبتعملش حاجه ؟
ساعتها بالظبط رن جرس الراحه وبعد الراحه رجع مبارك وقال احنا كنا فين بقى؟ مين عنده سؤال ؟
ولد صغير تانى رفع ايده فمبارك سأله اسمك ايه قاله تامر فقاله سؤالك ايه يا تامر ؟
تامر : انا عندى 6 اساله
1 - ليه انت رئيس بقالك 25 سنه ؟
2 - ليه معينتش نائب ؟
3 - ليه ولادك ماسكين كل حاجه فى البلد ؟
4 - ليه مصر حالتها الاقتصاديه زفت و انت مبتعملش حاجه ؟
5 - ليه جرس الراحه رن ربع ساعه بدرى ؟
6- فين رامى ؟؟؟؟؟؟
ــــــــــــــــــــــــــــــــــــــــــــــــــــــــــــــــ
مرة سيادة الريس مد إيده في جيبه لقي 5 مليون جنيه!!فزعل قوي وخاف وقال إيه الفلوس دي؟ دي الفلوس دي حرام؟ فسأل أحد مساعديه فدله على طريق الشيخ طنطاوي رئيس الأزهر وقال له: اسأل الشيخ وهو يقول لك الحل.
ما كدبش خبر وجري على طنطاوي وحكا له القصة فرد: 5 مليون بس إيه النزاهة دي؟ دي بسيطة خالص يا ريس ما تزعلش نفسك؟ كل اللي هتعمله هتروح وتطوف حول الكعبة 10 مرات.
الريس راح لقي عمنا صفوت فقال له: أنت بتعمل إيه هنا؟ أنت هتلف كام لفة؟
عمنا صفوت :78 لفة.
الريس: يخرب بيتك أنت؟ ده أنت خربت البلد!!
عمنا صفوت: أنت جاي علي انا؟ روح شوف علاء ابنك جايب موتوسيكل وبقاله 3 أيام
بيلف
ـــــــــــــــــــــــــــــــــــــــــــــــــــــــــــــــــ
*كان فى سرير المرض حينما أخذ يلقى بوصاياه الأخيرة لوزيره نظيف :
- وصيتك الحكم من بعدى يا احمد ..
- فى رقبتى يا ريس .. كله تمام والسلطة هياخدها جمال ..
(ثم راح فى غيبوبة .. أفاق منها بعد قليل )
- وصيتك الشعب من بعدى يا احمد .
- ما تخافش يا ريس .. الشعب ياكل الزلط ...
(ثم راح فى غيبوبة .. أفاق منها بعد قليل )
- احمد
- نعم يا ريس؟
- ماتنساش .. توكيل شركة الزلط لعلاء
ــــــــــــــــــــــــــــــــــــــــــــــــــــــــــــــــــــ
كان الرئيس حسني مبارك في زياره إلى انجلترا . و في
خلال مناقشاته مع الملكه سألها ..
كيف تديرين أمور
البلاد بهذه الصرامه .. فقالت . الحل أن يكون لديك و من
حولك مستشارين يستطيعون الاجابه على أي سؤال في أي وقت
حتى يخلصوك من أي مشكله قد تحدث
فتعجب حسني مبارك و سألها . تعنين مستشارين أذكياء؟؟
قالت نعم . فقال و كيف تتأكدين من ذلك ... فقالت له :
بسيطه .. يمكنك من خلال سؤال أن تكتشف معدل ذكاء مستشارك
انتظر .. سأعطيك مثالا على ذلك .... قامت المللكة
باستدعاء توني بلير ... وقالت : عزيزي توني .. لدي سؤال
لك ... أبوك و امك لديهم طفل .. و ليس أخوك وليس أختك .
فمن يكون ... فقال توني بلير : سيكون أنا
فضحكت الملكه و صرفته .. و نظرت لمبارك و قالت أرأيت ..
فتعجب الرئيس و عاد فورا إلى القاهره و طلب الاجتماع مع
رئيس الوزراء ... فقال له يا نظيف .. أبوك و امك عندهم
عيل .. و مش أخوك ومش أختك يبقوا مين ؟؟ فقال له : والله
يا ريس انا مش متأكد اديني فرصه أفكر .. خرج نظيف مسرعا
و قرر عقد اجتماع مع مجلس الوزراء و في خلال الجلسه طلب
عقد جلسه طارئه مع حبيب العادلي وزير الداخليه .. يا
حبيب .. أبوك و امك عندهم عيل و مش أخوك و مش أختك يبقوا
مين ؟؟ فرد عليه حبيب العادلي يبقى أنا يا نظيف باشا ..
فضحك نظيف و اتجه إلى مبارك
فلما دخل عليه قال له .. سيدي .. عرفت إجابه سؤالك ..
فقال له الرئيس و ما هو ... فقال نظيف .. سيكون حبيب
العادلي بالتأكيد ... فغضب منه الرئيس و قال له بعامية
فجّـه ... يا حمااااااااااار لو أبوك و امك عندهم عيل
ومش أخوك ومش أختك .. هيبقى توني بلير يا غبى
ــــــــــــــــــــــــــــــــــــــــــــــــــــــــــــ
بيقولك مره شيخ اتمسك فى امن الدوله و سابوه
فامن الدوله مراقبينه . اول يوم لقوه ماشى فى شارع
الهرم راحوا مكلمين الريس و قالوله الشيخ تاب ياريس
تانى يوم لقوه فى كباريه قالوا الشيخ تاب و اناب ياريس
تالت يوم لقوه فى الاتوبيس بيسرق واحد قالوا الشيخ تاب
و اناب و بقى من الحزب الوطنى ياريس
ـــــــــــــــــــــــــــــــــــــــــــــــــــــــــــ
بيقولك جمال مبارك بعد الخطوبة ..أبوه حب يضمنله مستقبله ..جابله عقد عمل فى السعودية ..وشغلوه برضه ابن رئيس جمهورية بالساعة
ـــــــــــــــــــــــــــــــــــــــــــــــــــــــــــ
* بيقولك فى عيد ميلاد حفيد حسنى مبارك ..كل وزير جابله هدية ..اللى جابله طيارة لعبة ..واللى جابله مسدس مية ..حبييب العادلى جابله تلات عربيات أمن مركزى وأربع مخبرين لعبة.
ـــــــــــــــــــــــــــــــــــــــــــــــــــــــــــ
* اشتكى حسنى مبارك لحبيب العادلى إن "حمو النيل "ما بيخلهوش ينام ..بعد تلات تيام اتصل بيه حبيب العادلى وقاله تمام يا فندم قبضنا على كل اللى اسمهم حمو وجارى ردم النيل سعادتك.
ــــــــــــــــــــــــــــــــــــــــــــــــــــــــــ
* سبب عدم غناء محمد ثروت فى الحفلات الوطنية إنه مرة غلط وغنى :الله أكبر فوق كيد المعتدى.
ــــــــــــــــــــــــــــــــــــــــــــــــــــــــــ
حسنى مبارك راح لشيخ الأزهر متعكنن جدا .وقاله :يا سيد أنا كل كام يوم نفسى بتهفنى على كاس أو اتنين وسمعت ان الخمرة حرام ..اتصرف ..راح شيخ الأزهر قاله:
ابقى اشربها على وضوء يا ريس.
ـــــــــــــــــــــــــــــــــــــــــــــــــــــــــــ
* حسنى مبارك ركب طياره هو وعيلته. طلع ورقه بمية جنيه من جيبه وقال انا حأرمى المية جنيه دى واللى حيأخدها حأسعده. سوزان قالت له طب ما تخليهم ورقتين بخمسين وتسعد إتنين. علاء قال طيب ماتخليهم خمس ورقات بعشرين وتسعد خمسه . جمال قال طيب ماتخليهم عشر ورقة بعشره جنيه وتسعد عشره. الطيار قال طيب ما ترمى نفسك وتسعد 75 مليون
ـــــــــــــــــــــــــــــــــــــــــــــــــــــــــــ
مرة واحد ركب تاكسي ولقي السواق معلق في العربية صور جمال عبد الناصر وانور السادات وحسني مبارك
الراجل استغرب سال السواق مين اللي انت معلقهم صورهم عندك
قالة دا جمال عبد الناصر الزعيم المصري الراحل
ودا انور السادات قائد حركة السلام والامن في البلد
ودا حسني مبارك أبو علاء شريكي في التاكسي
ــــــــــــــــــــــــــــــــــــــــــــــــــــــــــــ
حسني مبارك بيخطب في الشعب فا كل شويه واحد يقوم ويقول عاش حسني مبارك موحد الاديان ويقعد يروح حسني مكمل كلامه وشويه ويقوم الراجل ويقول عاش حسني مبارك موحد الاديان فا اتمسك امن دوله وطااااااااخ ويقولوله ايه الي انت بتقوله دا ازاي موحد الاديان دي مصر فيها مسيحين ويهود ومسلمين وطااااااخ فردعاليهم يا باشا ماهوه الي مكفرنا كلنا
ــــــــــــــــــــــــــــــــــــــــــــــــــــــــــــ
الريس :إخبرنى بصراحة يا نظيف ولا داعى للمجاملة أو النفاق
نظيف :أمرك يا ريس
الريس : أنا الأفضل ولا عبدالناصر ؟
نظيف : انت طبعا يا ريس .. جمال مين اللى كان بيخاف من الروس !!
الريس :طيب أنا الأفضل ولا السادات ؟
نظيف : سادات مين ياريس اللى كان بيخاف من الأمريكان !!
الريس :طيب أنا الأفضل ولا عمر بن الخطاب ؟
نظيف : انت طبعا يا ريس .. عمر بن الخطاب كان بيخاف من ربنا
ــــــــــــــــــــــــــــــــــــــــــــــــــــــــــ
بيقولك حسني كان عاوز يغيـر دولارات و مش لاقي في السوق , فراح منادي عاطف:
حسني :مفيش دولارات في السوق ليه يا عاطف؟ -
عاطف :الحج و العمرة ياباشا خلصوا على الاحتياطي -
حسني :بقولك ايه ..حج ايه وبتاع ايه .. من السنة الجاية الحج يبقى في مصر
عاطف :يا باشا .. ازاي بس -
حسني :اتصرف -
بعد يومين رجع عاطف و قاله : كله تمام يا باشا خلاص الحج حيبقى عندنا
حسني : طب و الكعبة حتعمل فيها ايه ؟
-
عاطف :حنعملها في ميدان الحجاز - مصر الجديدة و يبقوا يلفوا حواليها -
الريس : طب و السعي؟
عاطف :ياباشا يبقوا يجروا في طريق صلاح سالم لغاية المطار و يرجعوا -
حسني :: و عرفه ؟ -
عاطف :يطلعوا المقطم ياباشا -
حسني : طب و رجم إبليس يا فالح ؟ -
عاطف :إتعب معانا شوية بقى يا ريس
ـــــــــــــــــــــــــــــــــــــــــــــــــــــــــــ
بيقولك كمال الجنزوري جالو بعد ما شالوا من الوزارة وقالوا عايز أعرف انت
شيلتنى ليه ياريس
قالوا يا كمال يا حبيبي التغيير سُنة الحياه ، قالوا طيب شيلت وزير المواصلات ليه
قالوا يا كمال يا حبيبي التغيير سُنة الحياة ،
قالوا طيب ممكن أسالك سؤال اومال ليه انت الوحيد اللى مابتتغيرش
قالوا ياحبيبي تغييركم انتم سُنة لكن أنا وجودي " فرض
ــــــــــــــــــــــــــــــــــــــــــــــــــــــــــ
على جميع الأخوة و الأخوات وضع رد لاحظوا أن أخوكم عرض نفسه للخطر عشان يرسم أبتسامة جميلة على وجوهكم
وهمًا حايرسموا أبتسامة برضة بس على قفاه
موضوع: احتمال ده يكون آخر موضوع ليا .... ربنا يستر 
الجمعة فبراير 22, 2008 3:56 pm
