ما الفرق بين دخول جنهم ودخول كلية الهندسة ؟
- دخول جهنم مابيحتاجش مجموع كبير فى ثانوية عامة .
- علشان تدخل جهنم حا تستمتع بكل حاجة حتى لو كانت حرام ،
علشان تدخل هندسة حا تحرم نفسك من كل حاجة حتى لو كانت حلال!
- مش ممكن تسقط فى جهنم
- فى جهنم كل الزبانية عارفين انهم زبانية ، وما حدش منهم بيحاول يدرس للطلبة .
- ماحدش فى جهنم فاكر نفسه الحاكم بامر الله وابن آمون – رع فى نفس الوقت!
- بتتعب جدا عشان تدخل هندسة ، وبتتعب اكتر عشان تتخرج منها .
- مش ممكن حد يضحك عليك ويقولك أن خريجين جهنم مستقبلهم كويس.
- فى جهنم بتبقى عارف انك بتشوف الذل عقابا على السيئات اللى عملتها ،
فى هندسة مابتبقاش عارف انت بتشوف الذل ليه!
- ماحدش بيدخل جهنم ويبقى عنده امل كاذب انه يتخرج منها.
- .. أكيد فيه بنات حلوة بتدخل جهنم !!
ـــــــــــــــــــــــــــــــــــــــــــــــــــــــــــ
لماذا تفضل كلية الهندسة عن جهنم ؟-
فى هندسة بيحرقوا دمك بس!
- شباب هندسة ممكن يرحوا كلية الألسن أو الأقتصاد علشان يشوفوا الدنيا !
- لو انت فى جهنم ، مش ممكن تسقط مرتين فى اعدادى وتترفد !
- يمكن أن تخرج من الهندسة بإحدى الحسنيين ، الرفد أو الشهادة!
ـــــــــــــــــــــــــــــــــــــــــــــــــــــــ
هل السجن أفضل من كلية هندسة؟
- فى السجن بتبقى عارف حا تتخرج إمتى !
- فى السجن بتبقى عارف أن الأشغال الشاقة حا تنتهى بعد التخرج !
- السجانين بيبقوا ألطف من ... !
- فى السجن بتكسر زلط بالنهار ، وتنام باليل زى خلق الله .
- فى السجن ماحدش بيقطع اللوحة اللى سهرت عليها أسبوع .
- لو خرجت من السجن ، مش ممكن تدخله تانى برجليك تعمل دراسات عليا .
- مش ممكن واحد مسجون يخرج قبلك بسنة يعينوه شاويش ويتنطط عليك !
ــــــــــــــــــــــــــــــــــــــــــــــــــ
اجابات علميه صريحة!
- إنتى دخلتى هندسة علشان غاويها ولا استخسرتى المجموع الكبير ؟
- لأ ، دخلتها علشان شكلى وحش!
قرأت هذه النكته فى نصف مجلة حائط ممزق وملقى على الأرض وعليه أختام من الكعوب الحريمى وذلك بداخل احدى كليات الهندسة العريقة!
أسئلة علمية
- ماهو تعريف الإرج؟
- الإرج فى عين أمه غزال!
واقعة حقيقة : كانت هذه هى اجابة طالب دمه خفيف على سؤال شفوى فى امتحان الفزياء العملى يعمل إيه؟ النكته نقحت عليه ولا قدرش يقاوم! من الآخر شال الفزياء سنتين!ـــــــــــــــــــــــــــــــــــــــ
موضوع: ما الفرق بين دخول جنهم ودخول كلية الهندسة ؟ 
الجمعة فبراير 22, 2008 6:01 pm
