شرح متواضع لآهم الاشياء فى لعبة SilkRoad أقوى ألعاب الأونلاين
SilkRoad Online
اولا دى بعض المصطلاحات الى فى اللعبة
هنا سنعرض ان شاء الله معظم المصطلحات اللي ممكن تشوفها ومش فاهم معناها
BUILD
دي يعني تركيب الشخصيه (INT or STR )
و السلاح و السحر الي بتستخدمه
STATE POINT
دي نقط بتجيلك كل لفل في اوله على هيئية علامة +
STR= Strength= Health
الخط الاحمر
Int = Intellegince = Mana
الخط الازرق
PURE STR
يعني كل الـ STATE POINT في الـ STR
PURE INT
يعني زودت كل الـ STATE POINT في الـ INT
HYBRID & MIXED
دي يعني زود في الـ INT و الـ STR مع بعض
EXP = EXPERIENCE
ده يعني الخبرة اللي بتكتسبها من قتل الوحوش واللي منها بيعلى لفلك
SP EXP = SKILL POINT EXPERIENCE
دي نقط المهارة المكتسبة من قتل الوحوش واللي منها بتفتح السحر والمهارات
QUESTS
دي مهمات بتاخدها من NPC
NPC= Non Playing Charachter
دي شخصيات ثاتبة في اللعبة زي بتاع الاسلحة واللبس
DROPS
دي اي حاجة بتقع من الوحوش لما تقتلها ( ITMES , GOLD , SCROLL )
Return Scorll
دي بترجعك للمدينة الرئيسية لو انت بعيد عنها
LVL CAP
ده اعلى لفل في اللعبة حاليا هو 80
PVP= Player Vs Player
دي يعني لاعب بيحارب لاعب اخر
PVE= Player Vs Enviroment
يعني لاعب بيحارب وحش
KS= Kill Steal
دي لما انت بتروح تقاتل مع واحد نفس الوحش يبقا اسمها عملتله KS وساعتها هايشتمك
TRAINING & HUNTING
لو واحد قالهالك يبقا رايح يضرب وحوش عشان يعلى في الليفل
IMBUE
دي يعني اول حاجة بتفتحها في السحر سواء كان كولد او فاير او كهربة
BOT
ده برنامج بيلعب لوحده وبيبقا بفلوس ولو اتقفشت بيتحذف الاكونت بتاعك
WTS = WANT TO SELL
دي يعني واحد عايز يبيع حاجة معاه
WTB = WANT TO BUY
دي يعني واحد عايز يشتري حاجة
WTT = WANT TO TRADE/WANT TO CHANGE
دي يعني واحد يبدل حاجة بحاجة
AFK = away from keyboard
بعيد عن الجهاز
reform party
تعنى إعادة تحميل البارتى على سيستم اللعبة لفتح الد*** لها
GT =Gold Tekt
أداة بتشترى بالسيلك .. وبتعطيك 100%+ من الاكبيرينس
ST =silvery Tekt
أداة بتشترى بالسيلك .. وبتعطيك 60%+ من الاكبيرينس
MOBS
يعني وحوش MONSTERS
Uri=Uru = Uruchi
TG =Tiger Woman /Tiger Girl
Isy= Isyutaru
PARRY RATIO
أداه هامة فى تقليل الضربات واحتمالها
كلمات مستخدمة فى الشات
dude
يعني يا راجل = زي يا مان كده بس للاصدقاء ووديه اكتر يعني
nvm = nevermind
بمعني مش مشكله او ولا يهمك
ROFL=rolling on floor laughing
بتقلب على الارض من الضحك
lol
بيضحك باعلى صوته
np
ولا يهمك
ty , thx , thnx
متشكر
plz = please
لو سحمت .. عشان خاطرى ..
brb = be right back
شوية وراجع تاني
tyt = take ur time
خد وقت ( براحتك )
wtf
دي يعني واحد مفقوع من حاجة وممكن تتقال على سبيل التعجب
Noob
لو واحد قالك كدة يبقا بيشتمك وبيقولك يامبتديء او يا أهبل
وممكن يكون مش بيشتمك بس غالبا شتيمة
XD
يعني ضحكه
idk =idont know
يعنى انا مش عارف
الشرح المفصل للعبة الاولى الاونلاين على مستوى العالم
لعبة SILKROAD ONLINE
ليه هي رقم 1
بالتأكيد لانها تفوقت على العاب كتير زي ال WOW و MU خصوصاً في اسلوب القتال الرائع واسلوب الوظائف المتعددة زي التاجر والحرامي
واللي يجعلها لعبة مش ممكن تمل منها الا اذا وصلت فيها لليفل كاب 70 ليفل
سيلك روود تتحدى الملل
بداية اللعبة الحقيقية من ليفل 20 تديلك فرصة محترمة انك تتعرف عاللعبة وتاخد فكرة عنها قبل ما تبدأ الوظائف ( تاجر - حرامي - هانتر )
اللعبة تعتبر مجتمع واقعي باعتبارها لعبة اونلاين تحاكي مجتمع انت عايشه في حياتك
لانها وباختصار من النوع MMORPG يعني بتلعب بلاعب معين كانك انت بالضبط وتشتريله لبسه واسلحته وتطورها وتقويها وتزود قوته كل ما زاد في الليفل
الجرافيك فيها قمة قمة في الروعة والابداع وقد تشعر انك فعلاً داخل الطبيعة المحاكاة في اللعبة وتتنوع من غابات لصحراوات وواحات ونخل و اشجار وصخور
جرافيك قد يبهرك من اول وهلة
ومش ده بس
الموسيقى رائعة وملائمة للموقع اللي انت فيه
في الغابات تسمع دقات الطبول
في الواحات تسمع اصوات الطيور الجميلة
اروع موسيقى تصويرية قد تجدها في لعبة اونلاين
لكن مش هاقدر اوريلك غير شوية صور ingame يعني من جوا اللعبة لشخصيات هتتعرف عليها معانا في المنتدى
لو كان عندك حلم القافلة التجارية والانتقال عبر المدن والرحلات ومقاتلة الحرامية والخارجين عن القانون
تبقى silk road هي الطريق الحقيقي لتنفيذ هذه القافلة
( لو اخترعوا عجلة الزمن ابقى قوللي ارجع اعمل قافلة )
دي صور لتجارة جماعية
روعة وبلا شك
طب هقولك احنا في اللعبة بنعمل ايه عشان تبقى في الصورة
اللعبة تنقسم الى قسمين اساسيين
1- قسم ال level : ودي من اول ليفل 1 بحيث كل ما بقيت اعلى في الليفل كل ما زادت فرصتك على شراء اسلحة و ملابس اقوى كل ما زادت قوتك الهجومية والدفاعية
وتقدر تزيد في الليفل بقتل الوحوش المنتشرة في المدن و تنفيذ المهمات المطلوبة بتديك EXP Points لما توصل حد معين تطلع ليفل اعلى
ملحوظة : كل ما بقيت ليفل اعلى كل ما زادت ال EXP Points المطلوبة كل ما زاد الوقت المطلوب وقد يصل الى شهر عشان توصل من بداية ليفل 70 الى نهاية ليفل 70
2- قسم ال Job : او الوظيفة يعني بتشتغل ايه في اللعبة حرامي ... تاجر ... هانتر ( بودي جارد )
ال Job تبدأها من اول ليفل 20
ودي ليها شرح مفصل بكل انواع ال Job
باختصار هي دي اللعبة
وبالتفصيل الممل الممل جداً يبقى انت ناوي تلعب
شد حيلك يا بطل
انت في طريق الحرير SilkRoad Online
اولاً : تعمل Account ليك من هذا الرابط
اضغط هناثانياً : هتنزلها ببساطة جداً من هذا الرابط
اضغط هناال Client
تصطبها وتنزل الابديت اوتوماتيك بمجرد ما تفتح اللعبة .. يمكن هياخد وقت كبير معاك عشان الابديتات كتير اوي
ممكن تنزلهم يدوي مباشرة من نفس الرابط
وهو Manual patch file
ثالثاً : تفتح اللعبة وتكتب بيانات الدخول
(قد تجد مشكلة في الدخول في الاوقات من الساعة 11 صباحاً بتوقيت القاهرة الى الساعة ال 11 مساءاً وده بسبب الازدحام الشديد على اللعبة .. حاول كذا مرة وهتخش )
طبعاً انصحك تختار سيرفر persia لان هو ده السيرفر اللي موجود فيه اغلب الاصدقاء وفيهم انا شخصياً وطبعاً تحت امركم في اي مساعدة
ولو اختارت سيرفر مش ممكن تنقل شخصيتك من سيرفر لاخر
يعني السيرفر اللي هتخش فيه هتفضل فيه طول عمرك الا اذا حبيت تبدأ بشخصية جديدة ساعتها ممكن تختار سيرفر تاني
-------------------------------
كتير منكم هيسالنى ايه اللى يميز اللعبة دى عن غيرها من العاب الاون لاين ؟؟؟؟؟
هرد عليك و اقولك حاجات كتير جدا
1- عدد الناس الرهيب اللى فى اللعبة لدرجة انك ممكن متشوفش قدامك فى المدن الرئيسية و يقدر عدد الاعبين بالملايين
2- الجرافيك الاكثر من رائع اللى فى رايي يوازى ان لم يكن يتفوق على world of warcraft .
3- اسلوب القتال فى اللعبة ممتاز جدا و افضل من world of warcraft فى رايي .
4- كثرة عدد الشخصيات و الوظائف اللى ممكن تقوم بيها فى اللعبة .
5- اللعبة مبتقيدكش من البداية فى اختيار شخصية معينة و الالتزام بيها زى ال mage او ال warrior قى معظم الالعاب الاونلاين , بل على العكس .... طريقتك فى اللعب هو اللى بيدى لشخصيتك طابع مميز منفرد ليها ... و كل واحد يقدر يبنى شخصيته بشكل مختلف مع تطوره فى المراحل .
6- اسلوب التجارة فى اللعبة بيخليك مستمتع بكل item او weapon بتلاقيه ... لان كل حاجة ليها سعر فى اللعبة ... و الميزة فى اللعبة دى انك مش بتفضل تدلل على البضائع بتاعتك و تفضل مستنى حد يجى يشترى منك زى معظم الالعاب التانية .... لا انت بتعرض حاجاتك فى حاجة عاملة زى المحل بالاسعار اللى انت عايزها ... و كل الاعبين بيدخلوا محلك و يتفرجوا على حاجاتك و يشتروا اللى عايزينه و الفلوس تتحول اوتوماتيك لرصيدك .
7- اللعبة اونلاين 24 ساعة 7 ايام فى الاسبوع .
8- المحاكاة للواقع فى اللعبة رائع... فمع تغير الوقت بيتغير المناخ من ليل و نهار و غروب و مطر و اعاصير .
9- اللعبة مجانية في التحميل
ثالثاً : لو عجبتك اللعبة تعالى نشوف هتشغلها ازاي :
1- الاول اللعبة دى الجرافيك بتاعها عالى جدا فهتحتاج متطلبات عالية فى الجهاز ... فبتحتاج كارت شاشة ع الاقل 32 ميجا و رامات ع الاقل 256 ميجا و directX9c.
2- لو المتطلبات دى عندك يبقى تنزل اللعبة و هى مساحتها 912 ميجا
3- بعد ما تنزل اللعبة تسجل اسمك و كلمة السر فى الموقع الرسمى للعبة
www.silkroadonline.net 4- بعد ما تسطب اللعبة و هى بتنزل فى حوالى جيجا و نص ... بيطلب منك تختار سيرفر تلعب عليه من 15 سيرفرات ... انا عن نفسى بلعب فى سيرفر persia
5- بعد كده بتختار شخصية ولد او بنت ... و بتغير فى شكلها فى الطول و الوزن و الوجه و الملابس و خلافه .
انت بمجرد ما تسجل وتخش اللعبة
تحط اليوزر والباس وتختار السرفر اللي تحب تخشه
ملحوظة : لو عملت شخصية في سيرفر معين مينفعش تنقلها لسيرفر تاني
يعني لو عملت شخصية في سيرفر ايجه مثلاً مش هتلاقي الشخصية الا في سيرفر ايجه و بس
هتخش السيرفر والحمد لله
هتظهرلك صفحة بينزل فيها الشخصية اللي انت عاملها
ولكن بما انك مش عامل شخصية لسه هتلاقي تحت ايكونة اسمها " Create " طبعاً تدوس عليها
واعتقد ان الباقي مفهوم
اسمك في اللعبة واللي هيظهر فوق الشخصية طول ما انت بتعلب
تختار بأه شكل الشخصية ولبسها سواء كان Armor او Protector أو Garment وممكن وانت بتعلب تغير اللبس براحتك يعني الخيارات دي عادية
تختار بأه شكل السلاح اذا كان سيف او رمح .... وطبعاً زي ما فهمناك في الاول كل سلاح وله مميزاته
طبعاً انت ممكن تغير السلاح براحتك بعد كده بس المشكلة تكمن في ال Skill
يعني المفروض ال Skill بتاعتك تتخصص في سلاح معين
يعني يا اما تتخصص Sword , Blade يا إما تتخصص Spear , Glavie يا إما تتخصص Bow
والخيارات متاحة ليك زي ما سبق وشرحنا
بالنسبة لطول وحجم الشخصية دي براحتك بأه يا كينج
ولما تخلص تعمل " Confirm " وبكده يا سيدي تبقى عملت شخصيتك
هتطلع عالصفحة الرئيسية وتضغط عالشخصية وتعمل Start
هتخش حضرتك اللعبة من جوا
هتنزل كده في ساحة قصر المدينة الاولى " Jangan "
هيطلعلك كذا شاشة مساعدة والكلام ده
انت تنفضله لان ده شغلنا [ ]
اضغط M عشان تطلع الخريطة ... اضغط عالمدينة في الخريطة عشان تطلعلك صورة مقربة للمدينة
فاسهل حاجة حتعملها حتروح عند الwest gate حتلاقى هناك راجل اسمه general sohynon حاجة اسم غريب كده حتدوس عليه حيطلعلك dialogue حتدوس start to converse حيبدا يعلمك كل حاجة فى اللعبة و حيديك فلوس بمجهود قليل اوى و حيديك العنب الاحمر ده و حيديك خواتم و حاجات كتير بس انت تعمل زى ما بيقول و بس. جربوا و حتلاقوا اللعبة اسهل شوية.[/center]
اوصل لحد ال South Gate واطلع منها
عاوز تقفل الخريطة تضغط علامة X ولو عاوز تجيب الصورة البعيدة تاني تضغط على علامة O ودي هتلاقيها جنب علامة X
اطلع من المدينة اول حاجه هتلاقيها في وشك
هتلاقي وحوش صفر كده اسمهم Mangyang عاوزك تطلع عينهم ..
موتهم لحد ما تموت حضرتك
اي حاجه تقع منهم تاخدها مهما كانت
هتقع فلوس واكياس صفرا وحاجات حلوة [ ] كل دول تاخدهم
اضغط I هتطلعلك شاشة الشخصية بكل اللي معاك فيها
المهم تفضل تضرب وتنضرب لحد ما تموت
هتلاقي نفسك فارش عالارض [ ]
وتطلعلك شاشة وفيها ايكونتين واحدة اسهما " rescued by another player " و دي لو حد في المنطقة عنده مهارة الاحياء يقدر يوقفك تاني على رجليك والايكون التانية " return at the spicified point " ودي ترجعك المدينة
وبما انك مهارة الاحياء بتيجي لما تعلي مهارة ال force ل لفل 17 فمن النادر انك تلاقي حد يحييك
فانت ترجع بكرامتك للمدينة احسن وبعدين انت جنبها يعني هترجع تاني ان شاء الله
هتنزل في وسط المدينة
اول ما تنزل تضغط على M وتروح عند واحد اسمه drug store والله الراجل ده تروح تشتري منه Hp
وده ال Health بتاعك عشان تقعد اطول فترة ممكنة
والله انت معاك فلوس عاوزك تشتري بيها كلها HP واللي ايكونته شبه العنب الاحمر [ ]
طبعاً معاك حاجات لقيتها من الوحوش
انت تقف بالماوس عليهم هيطلعلك ليهم كده قايمة صغيرة تقراها ولو لقيت فيها كلمة " Alchemy " تبيعها لانك مش هتقدر تستعملها
هتلاقي في القايمة سعر الحاجه تحت لو لقيت سعرها 1 دهب اياك تبيعها لانها بتكون حاجات تبع مهمات او حاجات زي كده وانا هافهمك يعني ايه مهمات بعدين [ ]
المهم تشتري بكل الفلوس اللي معاك عنب احمر [ ]
ونيجي بأه لأهم نقطة في اللعبة بجد و فعلاً نقطة لقيت ناس وصلوا ل lvl 25 واكتر ولسه مش عارفينها
وهي ال Auto recovery يعني بيزود دمك تلقائياً
نقولك ازاي وركز معايا اوي
اضغط I تجمع ايكونات العنب الاحمر اللي انت اشتريتهم في ايكونة واحدة او اتنين على قد ما تقدر
تضغط على ايكونة العنب الاحمر كليك شمال وتاخد الايكون وتسحبها تحت في اماكن فاضية اسفل الشاشة مرقمة بأرقام من 1 ل 0 وحطها في رقم 0 مثلاً
اضغط على حرف T هيطلعلك شاشة واول اوبشن فيها هو الاوتو ريكافري بتاع ال HP
علم عليه علامة صح و حط رقم الايكون جنبها اللي انت كنت عاملها 0 او اي رقم تاني
ولو جيت تشتري Hp بعد كده تحطها في نفس المكان ولو حبيت تغير المكان تغير الاوبشن بتاع الاوتو ريكفري
وتطلع بره المدينة من البوابة الجنوبية وتفضل تضرب لحد ما تبقى lvl 3
ترجع المدينة بأه وتبدأ مهماتك او ال quests
__________________