فكره جديده

اول حاجه اناعايزه اعملها انى اشكر ابن الناظر وكل اللى ساهموا فى عمل المنتدى تانى حاجه فى فكره ممكن تساهم فى حل مشاكل البلد نوعا ما الفكره هى ان اى حد شايف ان فى مشلكه فى البلد يطرحها فى المنتدى ويحط ليها حلول ونعمل تصويت على الحلول دى والاصلح يتعمل ومش كده وبس اى حد شايف انه عنده حل غير الموجود يطرحه ويدخل التصويت برده وبعد ما نوصل للحل نشوف مين المسئول عن حل المشكله دى ونطرح عليه الحل اللى هيكون اكتر من شخص اتفقوا عليه يعنى هيكون اقرب للصواب ونطرحه عليه وهو بقى بنفذ بمعرفته
انا عارف ان فى الاول هيبقى فى شويه عقبات على الناس ما تقتنع بالفكره ان ممكن حد يشاركهم فى حل مشاكل شغلهم بس اهى محاوله احسن من مفيش وبليز يا جماعه عايز رأيكوا معايا (رايك مهما كان اكيد مفيد يا ريت ما تبخلش بيه) على فكره الاستفتاء موجود فى منتدى النميمه

اقتباس :

هى ان اى حد شايف ان فى مشلكه فى البلد يطرحها فى المنتدى ويحط ليها حلول ونعمل تصويت على الحلول دى والاصلح يتعمل ومش كده وبس اى حد شايف انه عنده حل غير الموجود يطرحه ويدخل التصويت برده

فكره حلوه بس تفتكر أن فى أى حد مننا ليه أى تأثيير فى البلد واللى بيحصل فيها
بس لو أتنفذت مش هتكون أكثر من نميمه لان لو مفيش حد فينا طرف فى مشكله سينعدم التأثيير فيها
وفى انتظار التوضيح أن لم تكن الفكره وصلتنى بصوره صحيحه

انا موافق بس هل تعتهد ان الفكرة حتنجح وبعدين هل انت شايف انة ممكن اى حد من الناس ممكن يسمع لكلامنا
وازاى

طبعا فكره حلوه واحنا بادينا ممكن نعمل كتير بس نهتم بالموضوع الجيد ونكتب فى الحاجات الى ممكن يكون ليها تاثير

فكرة جديدة
وجميلة
انا اتمنى ان الاستفتاء ده ينجح بنسبه 100%
بس انا عندى سؤال هل فى حد من المسئوليين هيهتموا بكلامنا
اتمنى
ربنا معانا

هي فكرة جميلة
ومش ضروري حد من المسؤلين يشوف الموضوع دلوقتي
بس لازم هشفوه بعد كده


ان شاء الله .............


وانا موافق على الفكرة

مبدأيا انا موافق بس لازم نغير من انفسنا الاول علشان نقدر نغير من الناس ولازم كمان ايدنا تكون واحدة بجد يقول الله تعالي ( ان الله لا يغير ما بقوم حتي يغيروا ما بأنفسهم ) ويقول ايضا ( وتعاونوا علي البر والتقوي ) ويقول ايضا ( واعتصموا بحبل الله جميعا ولا تفرقوا ) صحيح ممكن يكون فية شوية عقبات بس ان شاء الله نقدر نحلها لو انتو فعلا جادين وعايزين تعملوا تغير بجد ندرس الموضوع بحنكه
نضعله معايير واقتراحاتوندرسها ونرس كمان اية اللي ممكن يكون عقبة قدام الموضوع دة ونحلها بتأني اذا كنتوا موافقين علي كدة انا معاكم