كان عندى امتحان فى الكليه وكان عملى كان عباره عن تنظيف قطعه من الاثريات الخشبية بالبنزين ومواد اخرى قابله للاشتعال والمهم دمرت التمرين بتاعى قمت مطلع ولاعه ومولع فى التمرين البنش كله ولع والناس بقت بتجري والدكتور وقف فوق بنش بعيد عمال ينط ويصوت طفوا الحريقه والامن جه مسكنى لتدمير املاك عامه ومضيت على تعهد بانى مش هولع تانى فى الكليه بس الحمد لله عدت على خير ونجحت بتفوق لعدم ثبوت الادله
------------------------------------------------------------------------------------------------------------
مره كنت امينه الفصل وكنت محتاجه ضرورى انزل عشان اودى فلوس ورق الامتحانات وبعدين مدرس الفصل لسه ما جاش فاستأذنت من مشرفه الدور ونزلت ولما طلعت قعد يزعق فقلتله على اللى حصل قعد يقول انا مش يهمنى حد مهما كان وزنبنى ودخلت مشرفه الدور الفصل بتشوفنى طلعت ولا لأ فنديت عليها وقولتلها على اللى حصل واللى المدرس قاله قدامه وطبعا الميس قالت للمدرس تعاللى بره دقيقه من فضلك
-----------------------------------------------------------------------------------------------------------
كنت مع اصدقائى خارج البلدة نفرح ونتسلى فى نزهة صغيرة وفجأة رأينا فتاة من بعيد فقررنا معاكستها ومغازلتها وعندما اقتربنا منها افاجئ بأنها أخت صديقى
---------------------------------------------------------------------------------------------------------
مرة كنت انا وأصحابى وصحابتى كنا فى أكبر ملاهى فى القاهرة المهم انى كنت روحت اركب العربيات المخبطة فوانا راكبة لقيت واحد كل شويه عمال يخبط فيا فقمت حبيت انتقم منه فخبطه حتة خبطة لقيته وقع من العربية قمت انا قعد أضحك ضحك ولقيته هو كمان بيضحك وجا يعتزر لى
-------------------------------------------------------------------------------------------------------
انا واخي الكبير كنا بنام مع بعض في حجرة واحدة وفي يوم وانا نايمة قلقت وقمت علشان اشرب فكان اخويا الله يسامحه مكانش نايم ولسه صاحي وبعدين انا خرجت من الحجرة وانا راجعة انام قام خضني حتة خضة كنت هموت فيها والبيت كله صحي وقعدت اعيط ومن ساعتها لما بنام حتى لو هموت من العطش مبقمش من سريري ابداً
----------------------------------------------------------------------------------------------
طبعا كل واحد يوم عيد الحب بيكون يوم حب بس معايا كان حاجه تانيه انا كان عندي محاضرة كورس المحاضره في مكان في وسط البلد يعني الاسناسير من ايام الملك فاروق لبسه كعب وضيق وركبت الاسانسير ووقف الاسانسير بين الدور التالت والرابع طبعا وانا وقفه مذهوله لحد ما ظهر شاب وعرض عليا اني يرفعني من ايدي عشان الاسانسير عطل وانا رغم الموقف ده رفضت جدا وبعدين طلع واحد تاني بيزعق وبيقول مين اللي معلق الاسانسير وشفني وقالي هو انت وده كان المستر اللي بيديني الكورس وشدني المستر رفعني من الاسانسير بس عمري ما هانسي الفالنتين ده
----------------------------------------------------------------------------------------------------
في مرة واحنا صغيرين كان في زى مكان فاضى كبيييير المكان ده كان فيه قصب فاتفقنا انا و اصحابي نروح تسرق لنا بشلة ولا حاجة المهم روحنا بعد ما سرقنا و بنجري من الكلاب واحد صاحبنا وقع علشان و هو بيجرى الشبشب اتقلع منه وبعدين الكلب لحقه و نام عليه وصاحبنا خايف موووووووت بس يا خسارة ما عضوش و احنا موتنا من الضحك
-----------------------------------------------------------------------------------------------------
اشترت لى أمى الله يرحمها حذاء بلاستيك من باتا وكان عمرى 7 سنوات وتبقي الحذاء معى حوالى 3 سنوات لم يتغير كل ما يحدث له شئ ينادى الرجل بالشارع أصلح البلاستيك تنادى عليه أمى ويلحمه وأصبح الحذاء كثير اللحام ولم توافق الله يرحمها على شراء حذاء آخر وبعد ما يئست ذهبت إلى نافورة محطة مصر وخلعت الحذاء ورميته بالنافورة وظللت أنظر إليه وهو يسبح فى الماء مثل المركب وعودت إلى منزلنا حافية القدمين فسألتنى أمى أين حذاءك فأخبرتها أننى تخلصت منه ورميته بالنافورة وأخذت حتة علقة وبعد يومين أشترت لى حذاء جديد
موضوع: مواقف و طرائف 
الخميس أبريل 03, 2008 1:00 pm
