حدث ولا حرج

كنا مسافرين انا وزمايلى عند واحد صاحبنا فى بلد رفى علشان نحضر فرح اختو سفرنا قبل الفرح بيومين وفى يوم من اليومين دول كنا بنلعب كوره بلليل بعد ما خلصنا حبينا نغسل وشنا وكده كان فى طورومبه فمسكت انا اليد وبدأت فى تشغيلها وجه تلاته من اصحابى علشان يغسلو وشهم ويشربو وهما بينزلو علشان يعملو كده فأنا غصب عنى وانا بشغل اليد اتزحلقت وكنت هقع فاسند على واحد منهم فهو اتخض ومن الخضه خد الاتنين التنين ووقعوا فى الميه بتاعت الترومبه وطبعا كنا بنلعب فى الغيط والدنيه ساقعه فامن غباهم قلعو هودومهم علشان مش يخدو برد بس خلا ص
----------------------------------------------------------------------------------------------------------
كنا قاعدين فى الحصه فكان علينا اختبار قام استأذن الاستاذ وقام وقال ثوانى وجاى المهم اتأخر شويه قمت انا خلصت وقلت يابنات غششوا بعضيكم اهيه فرصه المستر مش هنا وسمعت صوت فوق راسى بيقول ورقتك لوسمحتى ولقيته المستر البنات فطسوا ضحك قمت اتكسفت اوى
----------------------------------------------------------------------------------------------------------
مرة و انا داخلة الجامعة فى اول السنة مكانش معايا كارنيه لسه فبدخل ببيان تحويل لانى كنت محولة من كلية تانية وداخلة اورى العسكرى اللى على الباب الورقة مقلوبة و كانت فاضية خالص بيضة يعنى فراح بص لى و استغرب جدا و قالى اه ادخلى ادخلى وبعد ما دخلت و لقيت الورقة مقلوبة اتكسفت قوى ومت من الضحك
------------------------------------------------------------------------------------------------------
كنت فى الثانوى وكنت انا شقية جدا والمهم كنت فى فصل كله بنات شاطرة بس مشاغبين جدا فوق ماتتصوروا المهم لمايكون لينا مزاج للحصة ننام والمدرس يشرح وننام بجد والله العظيم فى مرة المدرس اخد اسامينا وكتبها فى ورقة وحطها فى الدفتر بتاعه روحت انا واخده الورقة نسى كل الاسامى وافتكر اسمى ونزلت للمدير وكتبلى استدعاء والى الامر طبعا قطعته لحد يمسكه فى البيت وتبقى مصيبة تانى يوم المدير فين باباكى قولتله بابا مش فاضى للهيفات دى المدير يقولى نعم يكتب استدعاء تانى ويكتب فوق الورقة لثانى مرة اطلع اقطعه يجى تانى يوم اكرر برضه الكلام اقوله بابا بيقولك مش فاضى راح المدير كتبلى انذار بالفصل برضه قطعته تانى يوم فين باباكى قولتله انت مابتزهقش مش فااااااااااااااااضى راح المدير راح لبابا قاله وبابا الحمد الله هزقنى تمام تانى يوم قولت للمدير انت لو كان عندك كرامه ماكنت تروح لواحد بيقولك انه مش فاضى اخص على ده زمن المدير ادانى فصل اسبوع ومدخلش المدرسة اللى بولى امرى قولتله ضحكت قولته شكلك اضايقت يامستر من كلامى قالى اخرسى ومش عايز اسمع صوتك نهائى المهم تانى يوم روحت المدرسة وعادى جدا ندانى المدير فين باباكى قولتله مش فاضى المدير بعت شكوى للوزارة وجم ناس حققوا معايا هههههههههه وكتبت تعهد على نفسى بعدم التقرب للمدير
----------------------------------------------------------------------------------------------------
مره وانا صغيرة كان عندى 12سنة ماما سبتلي ورقة مكتوب فيها حجات اجبها المهم اول مرة نزلت ونسيت الفلوس طلعت وفتحت بالمفتاح وقفلت ونزلت بعد كده اكتشفت اني نسيت الورقه فطلعت تاني جبت الورقة ونزلت اشتريت الحاجة ولما طلعت اكتشفت انى نسيت المفتاح جوه الشقة وفضلت اعدا على السلم ساعة ونص وبعد كده لقيت اخويه فتح الباب وخارج اتاريه كان نايم جوه وانا مختش بالى منه ولا هو حس بيا لما كنت بقفل الباب وافتحه المهم لما دخلت جوه اكتشفت ان ماما كتبت على الورقة من وره صحي كريم علشان يجيب الحاجات دى ..... انصحكم لو حد مامته سبتلو ورقة عليها طلابات يشوف ضهر الورقه كمان .......باااااااااااااااااااااااااي
-----------------------------------------------------------------------------------------------------
مرة كنت انا و تلاته اصحابي رايحين نصيف في النخيل و كانت اول مرة نروحها و منعرفش ان فيها نموس غلس اوي المهم ان في اتنين من صحابي اتخنقوا معايا انا و صحبي التاني واصروا انهم يرجعوا القاهره تاني قاعدت انا و صحبي 4 ايام في النخيل مش عرفين ننام بجد من النموس الغلس ده و قعدنا نحسد صحبنا اللي رجعوا مصر من اول يوم
---------------------------------------------------------------------------------------------------------
انا كنت مره ماشي لوحدي على البحر في اسكندرية ولقيت بنت حلوه اوي بتجري عليا وبتعيط وسألتني عن مكان مطعم . المهم قولتلها عليه راحت جاريه من قدامي وحتى ما ألتش شكرا وبعدين لقيت واحده ست كبيره بتقولي ليه بتعاكسها وتخليها تعيط أولتلها يا ستي انا ما عكستهاش دي كانت ولسه ما كملتش الكلام سابتني ومشيت المهم مشيت انا في طريقي ولقيت ست تانيه بتوقفني وبتقولي مش حرام عليك انت مالكش اخوات بنات قولتلها والله يا ستي انا كنت باقولها على عنوان وبرده لسه ماكملتش الكلام سابتني وده كان اغرب موقف حصلي بجد
--------------------------------------------------------------------------------------------------------
أنا فى خدمة اجتماعية وفى سنة تانية بيبقى عندنا تدريب فى مركز شباب وكنا بنعمل أنشطة كتير من ضمنها حفلة سمر وكنا بنات وصيبان مع بعض كان فى فقرة فى الحفلة ان ولدين هيمثلوا دور عريس وعروسة والعريس كان لابس بدلة وجبنا فستان للولد التانى وكان شكلهم تحفة يفطس من الضحك وواحد تانى لبس عمة وعمل نفسه مأذون وقعد يكتب الكتاب وبعدين العريس راح شال العروسة ولف بيها بس بجد احنا ضحكنا ضحك غير طبيعى فى اليوم ده وصورناهم على التليفونات وبقوا يتحايلوا علينا عشان نمسحها
-----------------------------------------------------------------------------------------------------
انا في كلية صعبة اوى في فنون تطبيقة قسم ديكور جت عليه فترة مش كنت بنام خالص في البيت بس بنام في الاتوبيس رايح جى بس الحمد لله كان اتوبيس مكيف يعنى مستوى حلو شويه بركبوا من قدام الكلية لغاية المعادى المفروض انى بنزل قبل الاخر بكتيييير بس علشان بيبقى النوم حلو بستنى قبل الاخر بشويه يعنى قبل لما يتطلع الموقف بتاعه بنزل انا وصحبتى المهم كان في يوم مش كنا منمناش 3 ايام نمنا بقي ف الاتوبيس وخلاص مش كان في حد خالص والاتنوبيس خلاص كان دخل الموقف خلاص جه السواق وهو بيدور مثلا لحسن يكون في حاجه وقعه ولا اى حاجه من اى حد ده نظام بتاع الاتوبيس بيعمله بس لأسف المره ديه مش لاقه حاجه خالص بس لاقه اتنين نايمين في أخر الاتوبيس كان مكسوف يصحينا اصلنا بجد كنا هنموت من كتر محنا عاوزين ننام بس للأسف قالى يا آنسه خلاص وصلنا قوموا بقى ولا ارجع بيكم تانى لفه كمان وكانت الكسفه هنا ادعولى بقى علشان ننام في البيت الترم ده وكفايه
--------------------------------------------------------------------------------------------------------
أنا كنت لسه جاي من الثانوية العامة من الإمارات وعمري ما عشت ولا اعرف حاجة عن مصر ..المهم أول ما رحت جاتلي جامعه في سوهاج ، بعد فترة ابتديت آخد دروس وكدا .. ففي مرة في وسط الامتحانات مكنتش ملاحق اعمل حاجة وكنت سهران بقالي تلات او اربع ايام مش فاكر تحديدا و كنت باخد أدويه منبهه علشان افضل صاحي ومركز المهم الادويه دي ليها مفعول اربع ساعات بالضبط بعد كدا لازم تاخدها تاني وإلا دماغك هيقف تمام مره واحده .. يعني هتلاقي نفسك هيست و بقيت اسوء من السكران واللي شارب مزرعه حشيش .. المهم كان عندي درس بالليل على الساعه 12 تقريبا على انه هيخلص الساعه 2 ولحظي ان الدرس ده ما حضرهوش غيري وبالتالي وانا مروح مفيش حد معايا والدوا مفعوله ابتدا ينزل بسرعه رهيبه وانا ماشي في الشارع واكتشف ان في كمين شرطه قدامي وعمالين يفتشوا اللي رايح واللي جاي ودي اول مره اشوف فيها كمين في حياتي على الحقيقه .. وطبعا انا ركبي سابت وبقيت بترعش وانا بالمنظر ده قلت اكيد اكيد هتمسك لاني فعلا كنت ماشي بتمطوح في الشارع ومش مركز ..المهم قبل ما اوصل الكمين بلحظات قلت انا هركز آخر حاجة عندي .. الرجل اليمين قدااااااااام .. الرجل الشمال جنب الرجل اليمين ثابت ..الرجل اليمين ثااااابت ..الرجل الشمال قدااااااااام .. بقيت عمال اسمع لنفسي ازاي ممكن امشي بشكل طبيعي وازاي اخلي رجلي تبقى جنب التانيه بالعافيه ..بجد عملت مجهود جامد ..وفي الآخر عديت وربنا ستر من غير ما يقولي حتى بطاقتك ولا اي حاجة وروحت البيت نمت فوق ال 28 ساعه ومخدتش الدوا دا تاني بعد كدا خالص ....توووووووبه

مستني ردودكم

جميلة قوى المواقف دى