لماذا يتوقع الزوج السوء من زوجتة؟

في يوم هادئ جداً تخرج الزوجة من البيت لتأتى بالطعام من السوق وتقوم بتحضيره وهي في غاية من الانسجام تغمر طعامها بإحساسها الغامر بالحب مكانا للملح وتضع الحنان مكانا للماء ويكون الشوق لرؤية زوجها بمثابة النار التي تطهي الطعام
وكل ذلك من أجل مجيء زوجها على العشاء تقوم بارتداء
أروع ما عندها تتبدل من انسانة إلي انسانة أخرى في غاية الجمال والرقة والأنوثة
لرؤية حبيبها وبعد تحضير الطعام وإنارة الشموع وجلب الورود
الله جو رائع من الحب والرومانسية والأنوثة الجذابة
وبعد لحظات اااااه نسيت أحط الشطة في الطعام
ههههه استني استني متقلقيش الشطة جاية جاية؟
وبعد لحظات يدق جرس الباب وفى مخيلتها أن تفتح لحبيبها الباب فيغمرها
بذراعيه بدفء ويرفعها عن الأرض ويطير بها في أرجاء المنزل
ويدخل حبيبها تقول فى هدوء ورقة ازايك يا حبيبي كيف حالك اليوم؟
يرد عليها في شدة الاستغراب للوضع ويقول فى نفسه شموع وورود (ربنا
يستر أكيد هتطلب طلب) يفيق من خياله ويرد قائلاً لا جديد عاملة إيه على العشاء النهاردة؟
تأخذها خاطرها بعيد عنه وترد في نفسها عاملة إيه على العشا دا للي لفت نظرك ااااه ياأنا أمال فين اللهفة والشوق
وبرغم من قسوة المفاجأة
عليها إلا أنها تستقبل رده بابتسامة جميلة ويذهبا معاً لتناول العشاء
تقول له في رقة حلو الطعام يا روحي يارب يعجبك
ويرد على سؤالها بعدم اهتمام ويطلب منها طلب أخر لتقوم إن تفعله
وبعد العديد من المرات والطلبات التي لا حصر لها
وفي جو الرومانسي هذا الشموع والورود أكيد هيكون الحديث شيق للغاية
هنشوووووووووووف
يسألها الزوج : روحتي السوق النهاردة صرفتى كام ؟
لسة قد إيه من مصروف البيت يا هانم؟
اتصلت النهاردة ولقيت التليفون مشغول ماأنت أصلا مش بتعملى حاجة غير
التليفون والكلام بس مش بيهمك مين هيدفع الفاتورة؟
فاتورة الكهرباء والميا والغاز ووووووو
ترد الزوجة: أنا أكيد بحلم صح أكيد بحلم
يوووووووووووو بس بقا حرام عليك
هو إيه حصل كل يوم بنفس الشكل بنفس الأسلوب
مفيش حاجة ثانية بتلفت نظرك أنا اهتمت نفسي بالتقصير اتجاهك وغيرت من أسلوبي لخاطرك
حرام بجد سيبنى طول النهار لوحدى وباتمنى أشوفك عشان أسمعك وأحسك وتحسيني
إيه للي بتتكلم فيه دا ؟
الزوج في منتهى الهدوء : لا طبعا يا حبيبتي أنا كنت عايز أقولك
ها
أنا كنت بقول يعنى
قربي بس مني وأنا هأقولك
همممممممم
يعنى هو كنت بقولك
ايوه
الأكل ناقص شطة ليه؟؟؟؟؟؟؟؟؟
إيه ااااااااااااااااااااه

وهنا يطرح التساؤل نفسه ........
لماذا يرفض الكثير من الرجال تغير زوجاتهم نحو الأفضل ؟
لماذا لا يأخذ بأيدها نحو طريق السعادة الذى يعود عليه هو أولاً بالأستقرار وراحة البال ؟
ولماذا يعتقد الزوج أن عندما يري بزوجته شيء جديد تريد من خلاله أدخال السعادة عليه أن هناك مقصد أو مطلب من وراء هذا ؟

تلك كانت تساؤلاتى ومنكم الاجابة وحرية التعبير
دمتم جميعاً بـــــــــــود

اتمنى وجود ردود لمعرفة ارائكم ..شادى المصرى

المفروض على الزوجين أن تكون حياتهما فى جديد علشان لو استمرت على شكل
واحد هتكون مملة .. ولكن الزوجة فى فترة شهر العسل تكون كل يوم فى جديد
ثم تبدأ فى الروتين شويه شويه .. النهاردة كان شغل البيت كتير . وما لحقتش
تتزين للزوج . ماشى مفيش مشكلة ... وبعد كده تدخل فى فترة الحمل وتعبه
وياعينى الزوج مسكين عاوز يريح حبيبته من كل هذه الالام . كل يوم عند الدكتور . ويستلف
علشان الدكتور والعلاج ... ويقوم هو بكل أشغال البيت بدلا منها علشان ترتاح .. وبعدين يشرف
ولى العهد أو وليه العهد .. وتبدأ الزوجة فى اهمال الزوج وتنشغل بالضيف الجديد الذى شرف ونور
البيت .. أصبح الزوج كل مهمته هو توفير مستلزمات البيت والصرف عليه .. ويوم ما تقف الامور
الماليه معاه وما يقدر يلبى للزوجة طلباتها .. تبدأ تحاول تعوض الزوج عن بعض حقوقه المهضومه
فتبدأ تغير من شكلها .. وتظهر فى أجمل صورة .. ونعم وحاضر يا حبيبى ... وده كله علشان
تطلب طلب فوق طاقته .. ومع ذلك المسكين ينفذ لها كل ما تطلب .. .. يعنى هى الزوجة ال أعطت الزوج هذه الفكرة عنها .. وهى المسؤله عن ازالة هذه الصورة ...
أظن كدة عرفت السبب.... ده باختصار شديد .....

ههههههههههههههه انت بتخوفنا لية من الجواز بس دا احنا لسة شباب وبنقول يا رب سهلها علشان نتجوزز ولا نطنش الموضوع دا وخلاص ...شادى المصرى

أنا ما بخوفكش من الجواز ... لأن الزواج كأس لابد منه .. لكن هو ده الواقع ال لازم تعرفه
وزى المثل ما بيقول زوجتك على ما تعودها عليه .. وانت وشطرتك بكا يا حلو
وربنا معاك .. وابقى افتكرنى ...